香港新浪網 MySinaBlog
« 上一篇 | 下一篇 »
死狗 | 14th Jan 2010 | 人類內鬥史研究 | (1 Reads)
有一日,突然有個人黎同我講:「你好。我想出錢買起你條命。」
「點解?」我嚇了一跳,立即提防。
「而家有班人急需器官移植,所以我想要你的器官?」
「誰?」
「如果你再唔死,佢地就會死的了。」
「佢地即係邊個?」
「你應該為大局著想,佢地全部都係優秀人材,救左佢,可以令到社會好D。」
「唔係一路都搵志願者捐器官o架咩?」
「我地研究,你最適合。」
「比個研究報告我睇下?」
「唔好再拉布,我地決定你要死。」
「你講野唔清唔楚!我問o既問題你都冇答我!」
「你都係想要多D錢o者。好。」(條友開左個幾高o既價)
「唔係錢o既問題!你無神神決定左又無神神要我死!你當我白痴牙?!」
「你係唔係反對發展同咁冇人性?!」
「我又唔知你乜水!邊個搵你黎o架!」
「你必須要死,我們已經決定了,也會給你補償...」
我大力關門,決定不理他。 如果係你,你捐唔捐?